वरील संदेश पूर्ण खोटा असून हा क्रमांक फोनमध्ये आल्याने कोणताही धोका वगैरे होत नाही. मग हा मेसेज पसरायला सुरुवात कशामुळे झाली ? तर हा पण घोळ आधार नियंत्रित करणाऱ्या UIDAI संस्थेनेच घातला आहे.
आपण कोणताही फोन खरेदी करून तो पहिल्यांदा स्विच ऑन करतो त्यावेळी आपल्या फोन मध्ये काही क्रमांक आपोआप येतात जसे पोलिसांचा १००, अग्निशमन दलाचा १०१ हे आधी पासूनच सेव्ह केलेले क्रमांक आपण पाहिलं असतील. तशाच प्रकारे हा आधारचा क्रमांक १८००-३००-१९४७ UIDAI या नावाने सेव्ह केला गेला असण्याची शक्यता आहे.
आता प्रश्न पडला असेल की शक्यता आहे तर खात्रीच काय ? शक्यता यासाठी म्हणत आहोत की UIDAI ने आज सकाळी ट्विट्स करून स्पष्टीकरण दिलं आहे की सध्या हा क्रमांक अधिकृत नाही तर १९४७ हा आहे!
मात्र आपण आपल्यापैकी काही जणांच्या आधार कार्डवर मदत क्रमांक म्हणून १८००-३००-१९४७ छापलेला पाहू शकतो याचा अर्थ तो क्रमांक अधिकृत नक्कीच होता. आधारच्या वेबसाइटवर सुद्धा हा क्रमांक होता.
UIDAI च्या अधिकृत ट्विट्स |
काल फ्रेंच हॅकर एलिएट अल्डरसन (खरं नाव रॉबर्ट बाप्टीस्ट) याने पुन्हा आधारच्या त्रुटींकडे लक्ष वेधण्यात पुढाकार घेतला.
प्रश्न : हा क्रमांक फोनमध्ये असल्याने धोका आहे का ?
उत्तर : नाही. केवळ तो क्रमांक फोनमध्ये आहे म्हणून तुमची माहिती कोणाला जाते वगैरे निव्वळ अफवा आहेत. मात्र तरीही आता (UIDAI सांगत आहे म्हणून) हा त्यांचा अधिकृत क्रमांक नाही. त्यामुळे हा क्रमांक फोनमध्ये असला काय आणि नसला काय काही फरक पडत नाही.
तुम्ही तो नक्कीच डिलीट करू शकता. पण ठेवला म्हणून काही नुकसान होणार नाही. यावरून उगाच व्हॉट्सअॅपवर आलेले मेसेज फॉरवर्ड करू नका.
१८००-३००-१९४७ हा आधारचा जुना मदत केंद्र क्रमांक आहे! |
आता UIDAI चा अधिकृत मदत क्रमांक १९४७ हाच आहे.दरम्यान गूगलने सुद्धा त्यांच्या अँड्रॉइड फोन्समध्ये हा क्रमांक का जोडण्यात आला याबद्दल अधिकृत स्पष्टीकरण दिल्याचं माध्यमांनी प्रसिद्ध केलं आहे. हा क्रमांक २०१४ मध्ये अधिकृत UIDAI मदत क्रमांक होता म्हणून आदेशानुसार १८००-३००-१९४७ आणि ११२ (डिस्ट्रेस क्रमांक) हे दोन क्रमांक जोडण्यात आले होते असं गूगलने सांगितलं आहे. हे क्रमांक नंतर अकाउंटसोबत sync होत असल्यामुळे हा क्रमांक आता दिसत आहे असं गूगलने स्पष्ट केलं आहे. मात्र आयफोन ग्राहकांच्या सुद्धा फोनमध्ये हा क्रमांक आढळला आहेच! तसे स्क्रिनशॉटसुद्धा अनेक जण शेअर करत आहेत! त्यामुळे त्या वेळीच टेलिकॉम कंपन्यांनासुद्धा तसे आदेश दिले गेले असावेत!
१८००-३००-१९४७ हा UIDAI/आधारचा जुना मदत केंद्र क्रमांक आहे जो आता वापरात नाही!
search terms : UIDAI helpline phone number issue
आधारचा UIDAI फोन क्रमांक आपोआप कॉन्टॅक्ट लिस्ट मध्ये येण्यामागचं सत्य...!
Reviewed by Sooraj Bagal
on
August 04, 2018
Rating:
No comments: