विंडोजला अँड्राइडचा सहारा

                    गुगलच्या अँड्राइड मोबाइल ऑपरेटिंग प्लॅटफॉर्मसाठी अॅप्लिकेशन (अॅप) डेव्हलप करणाऱ्या भारतीय कंपन्यांना केवळ मोफत अॅप उपलब्ध करून देण्याची परवानगी होती. मात्र, मानधन मिळत नसल्याने याचा परिणाम अॅपच्या डेव्हलमेंटवर झालेला होता. समजा, एखादे नवीन अॅप डेव्हलप झाल्यास किंवा त्याचे नवे व्हर्जन आल्यास ते भारतात विक्रीसाठी उपलब्ध होत नव्हते. 

             देशातील मोठी बाजारपेठ पाहता शुल्क घेण्याची परवानगी मिळण्याच्या प्रयत्नात भारतीय अॅप कंपन्या होत्या. अखेर, गुगल भारतीय कंपन्यांना पैसे आकारण्याची परवानगी दिली आहे. गुगलकडून मार्ग मोकळा झाल्याच फायदा अॅप कंपन्यांना होताना दिस असून, अँड्राइडची अॅप विंडोज या डेस्कटॉप ऑपरेटिंग सिस्टिमवरही उपलब्ध होऊ शकणार आहेत. अॅडव्हान्स मायक्रो डिव्हाइसेस (एएमडी) या चिप मेकर कंपनीने आणि ब्लूस्टॅक्स यांनी यासाठी पुढाकार घेतला आहे. 

              ब्लूस्टॅक्स कंपनीने विंडोजसाठीही अॅप डेव्हलप केली असून, त्यामार्फत अँड्रॉइड अॅप ही विंडोजवर रन होऊ शकतात. त्यामुळे ब्लूस्टॅक्सने एएमडीशी हातमिळवणी केली असून, एएमडी चिप असणारे टॅब्लेट आणि कम्प्युटरवर अँड्रॉइड अॅप रन होऊ शकणार आहेत. एएमडी अॅपझोनच्या माध्यमातून विंडोज पीसीसाठी अँड्रॉइड अॅपवरील पाच लाख अॅप उपलब्ध करून देण्यात आली आहेत. ब्लूस्टॅक्स अँड्रॉइड अॅप प्लेअर हा एएमडी असणाऱ्या विंडोज सात, आठ लॅपटॉवर, डेस्कटॉप आणि टॅब्लेटसाठी पहिल्यापासूनच उपलब्ध करून देण्यासाठी प्रयत्नशील आहे. 

                    तसेच, युजर एमएडी अॅपझोनवरून अँड्रॉइड अॅप थेट डाउनलोड करू शकतो आणि ते ऑटोमॅटिकली प्लेअर इन्स्टॉल होऊ शकतो. एएमडी चिप असणाऱ्या विंडोज डिव्हाससाठी अँड्रॉइड अॅपचा अधिकाधिक वापर कसा करता येईल यावर ब्लूस्टॅक्स आणि एएमडी भर देत आहेत. इंटेलची चिप असलेल्या पीसीवरूनही ब्लूस्टॅक्सच्या माध्यमातून अँड्रॉइड अॅप अॅक्सेस करता येऊ शकतात. 
त्यामुळे आपल्याकडे विंडोज टॅब्लेट किंवा कम्प्युटर आहे म्हणून आपल्याला चांगल्या अॅपचा उपयोग करता येणार नाही, अशी खंत यूजरना नक्कीच वाटणार नाही. अँड्रॉइडवर काही लाख अॅप असून, त्यात दर महिन्याला भरच पडत चालली आहे. त्यामुळे तुमच्याकडे विंडोजवर आधारित डिव्हाइस असल्याचा या पर्यायाचा नक्की विचार करा.