'जी-मेल'ने केला प्रायव्हसीचा भंग? ' गुगल ' ची खेळी संशयास्पद.

यूजरने पाठविलेला (सेन्ट) किंवा स्वीकारलेला (इनबॉक्स) प्रत्येक मेल गुगलतर्फे वाचला जातो , असा खळबळजनक दावा सॉफ्टवेअरनिर्मात्या ' मायक्रोसॉफ्ट ' ने केला आहे. 

' डोंट गेट स्क्रूगल्ड बाय जी-मेल ' या मोहिमेद्वारा गुगलचा प्रायव्हसी भंगाचा खरा चेहरा जगासमोर आणल्याचा दावाही' मायक्रोसॉफ्ट ' ने केला आहे. प्रत्येक मेलला जोडण्यात येणाऱ्या जाहिरातीच्या माध्यमातून गुगल हे उद्योग करीत असल्याचा ' मायक्रोसॉफ्ट ' चा आरोप आहे. त्यामुळे ' जी-मेल ' च्याऐवजी आपली ' आउटलूक डॉट कॉम ' ही सेवा वापरण्याचा सल्ला ' मायक्रोसॉफ्ट ' ने दिला आहे. 

' जी-मेलवरील बहुतांश जाहिराती या ओपन मेलमधील कंटेन्टच्या बाजूला वापरण्यात आलेल्या असतात ,' असे स्पष्टीकरण गुगलच्या वेबसाइटवर देण्यात आले आहे. या स्पष्टीकरणाचा आधार घेत गुगलच्या ' स्क्रूगल्ड डॉट कॉम' या साइटचा भांडाफोडही केल्याचे ' मायक्रोसॉफ्ट ' ने म्हटले आहे. 

अशी झाले गुपित उघड... 

एका जी-मेल युजरने आपल्याला नवऱ्यापासून घटस्फोट हवा असल्याचा मेल मैत्रिणीला केला. त्यानंतर काही दिवसांतच तिला घटस्फोट स्पेशालिस्ट असणाऱ्या वकिलाची जाहिरात ' लिंक ' असलेली मेल आली. या उदाहरणावरून गुगल यूजरचे वैयक्तिक मेल तपासत असल्याचा आरोप ' मायक्रोसॉफ्ट ' ने केला आहे. या शिवाय सध्या गुगलवर यूजरच्या प्रायव्हसी भंगाचे सहा गुन्हे दाखल असल्याकडे ' मायक्रोसॉफ्ट ' ने लक्ष वेधले आहे. 

' मायक्रोसॉफ्ट ' चे दावे 

आपल्या मेल अकाउंटचा ' गुगल ' कडून होत असलेल्या गैरवापराबाबत ७० टक्के अमेरिकन ' जी-मेल ' यूजरना थांगपत्ता नाही. 

पर्सनल ' ई-मेल ' च्या माध्यमातून जाहिराती विकण्याची ' गुगल ' ची खेळी संशयास्पद. 

ही माहिती समजल्यानंतर ८८ टक्के यूजरनी केला ' गुगल ' ला टाटा.