फेसबुक F8 कार्यक्रम आणि फेसबुकवरील नव्या सोयी

फेसबुकच्या डेवलपर्ससाठी आयोजित F8 ह्या कार्यक्रमात फेसबुकने त्यांचा येत्या दहा वर्षांतील प्रवास कसा असेल यावर प्रकाश टाकला. फेसबुक संस्थापक मार्क झुकरबर्ग तसेच इतर अधिकारीसुद्धा यावेळी उपस्थित होते आणि त्यांनी त्या त्या विभागाचे भविष्यातील प्रकल्पांचे डेमो दिले.
तर आता पाहूया फेसबुकने या कार्यक्रमात कोणकोणत्या नव्या गोष्टींची घोषणा केली ...

1. मेसेंजरमध्ये चॅटबॉट (ChatBots) : चॅटबॉट म्हणजे असा मार्ग ज्याद्वारे आपण आपल्या फेसबुक मेसेंजरमध्येच टोलफ्री क्रमांकासारखी सुविधा मिळवू शकतो. जसे की आपण आजचे हवामान काय असा प्रश्न मेसेज रूपात पाठवला तर चॅटबॉट आपल्याला लगेच आपल्या भागातील हवामानाची माहिती देईल तेसुद्धा फेसबुकच्या चॅट अॅप्लिकेशनमध्येच ! ह्या चॅटबॉटद्वारे कंपन्या त्यांच्या ग्राहकांना सपोर्ट देण्यासाठी/ कॉल सेंटर प्रमाणे देखील वापरू शकतात! मार्कच्या म्हणण्यानुसार आपण जसे एका मित्राला मेसेजद्वारे बोलतो तशाच प्रकारे आपल्याला कंपनीच्या सपोर्टशी सुद्धा बोलता आले पाहिजे.  
   
2. Surround 360 : VR -Virtual Reality (आभासी वास्तव) हा सध्याचा सर्वाधिक चर्चिला जाणारा विषय. अनेक मातब्बर कंपन्या ह्या बाजारात उतरत असून त्यांच्या फोनमध्ये VR हेडसेटची सुविधा देत आहेत. हयाद्वारे त्यांचे ग्राहक घरबसल्या जगातील अनेक गोष्टीचा प्रत्यक्ष तिथे असल्यासारखा अनुभव घेऊ शकतील! मात्र फेसबुकयासाठी विडियो शूटिंग करता याव म्हणून नवा VR कॅमेरा सादर केला आहे जो ३६० अंशामध्ये विडियो शूट करतो ! यामध्ये चक्क FullHD, 4K, 6K आणि 8K शूटिंगची सुद्धा सोय आहे! दिसायला तबकडीसारखा आकार असून यात तब्बल 17 लेन्स बसवल्या आहेत. 
   
   


3. फेसबुकच्या माहितीनुसार आता फेसबुक मेसेंजर आणि व्हाट्सअॅपमध्ये पाठवले जाणारे मेसेज SMS द्वारे पाठवलेल्या मेसेजच्या तिप्पट प्रमाणात आहेत! SMS 20 बिलियन तर फेसबुक+व्हाट्सअॅप 60 बिलियन!
4. फेसबुक लाईव्ह : फेसबुकने हल्लीच सर्वांसाठी Live Video स्ट्रीमिंगची सोय कारून दिली आहे ज्याद्वारे आपण एखाद्या ठिकाणांहून टीव्हीसारखा Live Video सुरू करू शकतो आणि आपले फेसबुक मित्र तो विडियो कोठूनही पाहू शकतात! यासाठी त्यांनी आता नव्या पार्टनरची घोषणा केली असून DJI ड्रोन, LiveStream ही त्यापैकीच काही मोठी नावे ... 
   
   


5. प्रोफाइल विडियो : होय आता फेसबुकच्या प्रोफाइल फोटोच्या जागी एक विडियोसुद्धा लावता येणार आहे! यासाठी आपण Instagram, Cinemagraph, Vine  ह्या अॅपमध्ये शूट केलेले विडियो सुद्धा वापरू शकतो !  कसे करायचे ते पहा ह्या लिंकवर > फेसबुक प्रोफाइलला विडियो कसा लावायचा ?
6. VR सेल्फी : आता चक्क VR मध्ये पाहत असलेल्या ठिकाणी सुद्धा सेल्फी काढण्याची किमया करता येणार आहे. समजा तुम्ही पुण्यात बसला आहात, VR मधून तुम्ही स्वीत्झर्लंडमधील ठिकाणाचा अनुभव घेत आहात तर तुम्हाला स्वीत्झर्लंडमधील दृश्याचा तुमच्यासोबत सेल्फी काढता येईल !
   
   

काही दिवसांपूर्वीच व्हाट्सअॅप मध्ये End-To-End encryption ची सुविधा सर्वांना उपलब्ध करून देण्यात आली आहे. यामुळे तुमचे संभाषण अतिशय सुरक्षित होणार असून तुमच्या संभाषणातील मेसेज केवळ तुम्हाला आणि तुम्ही ज्याला मेसेज पाठवला आहे त्यांनाच वाचता येईल. (यापूर्वी आपल्या नेटवर्क प्रोवायडर किंवा WiFi देणार्‍य कंपनीकडून ते वाचले जाण्याची शक्यता होती. ) या Encryption मुळे तुमचे चॅट, मेसेज कोणालाही हॅक करता येणार नाहीत.